BIBLIOGUAI

Cándido Pazó - Memorias das memorias dun neno labrego - Teatro Princip...

2012-02-03T12:46:00.000+01:00

O texto de Neira Vilas é guión da montaxe de Cándido Pazó. Onte, 2 de xaneiro, foi representado no teatro García Barbón, para o público de Vigo. Asistiron alumnos e profesores do Uruguai como actividade paralela ao clube de lectura para os máis pequenos.

Portada da 1ª edición, 1961

CLUBE DE LECTURA DE FRANCÉS

2012-01-22T18:07:00.001+01:00

O 23 de novembro de 2011, o alumnado de francés 1ª e 2ª lingua estranxeira de 3º,4º de ESO, 1º e 2º de BACH asistiu á representación teatral do Enfermo imaxinario de Molière nos Salesianos de Vigo. Os/as alumnos/as do clube de lectura de francés leran a obra na nosa hora de reunión semanal.

Gustounos moito a obra xa que os actores facíano moi ben e eran moi divertidos. Rimos moito e ademais colleron a rapaces do público para actuar con eles. Ao final da representación fixémoslles preguntas e explicáronnos como prepararon o seu papel.

As nosas gargalladas debéronse principalmente ao xenio de Molière que ridiculiza aos médicos da sua época.

Aqui tedes vários enlaces para consultar a biografia do autor ou saber algo desta obra.

O curso que ven, REPETIMOS!!!

http://www.biografiasyvidas.com/biografia/m/moliere.htm

http://www.lecturalia.com/autor/4091/moliere

Le 23 novembre 2011, les élèves de français 1ère et 2ème langue de 3º,4º de ESO, 1º, 2º de BACH ont assisté au spectacle Le Malade imaginaire de Molière. Les élèves faisant partie du « Club des lundis » avaient lu la pièce précédemment.

Nous avons bien aimé la pièce car les acteurs jouaient très bien et étaient très drôles. Nous avons beaucoup ri et, en plus, ils ont pris des élèves du public pour jouer avec eux. À la fin de la représentation, nous leur avons posé des questions et ils nous ont expliqué, par exemple, comment ils ont préparé leur rôle.

Nos rires étaient surtout dus au génie de Molière qui ridiculise les médecins de son époque.

Voici plusieurs liens pour que vous puissiez consulter la biographie de l’auteur ou vous renseigner au sujet de la pièce.

L’année prochaine, ON Y RETOURNE !!!

http://www.etudes-litteraires.com/moliere.php

http://www.encyclopedie-gratuite.fr/Definition/portrait/biographie-moliere.php

MOLIÈRE

ISAAC

2012-01-10T18:42:00.000+01:00

Dende o IES República Oriental do Uruguai queremos rendir unha sentida homenaxe ao recén falecido Isaac Díaz Pardo. Debuxante, cartelista, pintor, deseñador e ceramista, atravesou a maior parte de todo o século XX embarcado en mil e unha tarefas contra o esquecemento da nosa lingua e da nosa cultura. De todos os labores que emprendeu ningún chama máis a nosa atención que esa colaboración magnífica con Luís Seoane para a recuperación, posta en marcha e modernización da fábrica de Sargadelos, símbolo da creación vangardista no noso país. Temos a fortuna de deixarvos este documental narrado en 1ª persoa sobre si mesmo e sobre o mundo tal e como el o viu. Para ver o documento completo pincha AQUÍ.

O PINTOR

O DEBUXANTE
E GRAVADOR

O ESCULTOR E CERAMISTA

O CARTELISTA

Neste enlace podedes ler máis sobre a Fábrica de Sargadelos.

Entrevista en que o autor repasa algunha das súas vivencias tentando dar respostas a algunhas preguntas feitas nunha canle de TV ( curiosamente a entrevistadora, nun exercicio maxistral de inadecuación , diríxese ao entrevistado nun idioma diferente ao que el usa e reivindica)

XA ESTAMOS ACTIVOS DE NOVO

2011-11-09T21:18:00.000+01:00

BENVIDOS

Despois dun paréntese........ aquí estamos de novo para irvos contando o que ocorre na Biblioteca da nosa comunidade escolar.

Agradeceranse as colaboracións con novas, enlaces, materiais e todo o que queirades colgar neste blog.

Dende aquí queremos animarvos a que colaboredes.

Saúdos

Lingua minoritaria

2011-06-13T19:23:00.001+02:00

Por se alguén ten dúbidas sobre o estatus do galego no panorama lingüístico mundial, deixamos este vídeo para que comentedes todo aquilo que vos pase pola cabeza ao respecto. Que diso se trata de respectar a diversidade lingüística, cultural e bioambiental. Un saúdo ecolóxico!

Cinco poemas de Lois Pereiro

2011-05-07T18:48:00.005+02:00

Despois dun ano sen entradas estamos encantados de retomar a actividade nesta bitácora que inicia a súa nova andadura da mellor maneira posible coa celebeación das Letras Galegas 2011. Este ano Lois Pereiro é o autor homenaxeado e ningún coma el representa mellor a poesía máis vangardista feita na nosa terra nos últimos tempos. Deixamos enlaces para que consultedes sobre a súa peripecia vital e a súa obra. Que o disfrutedes.

Wikipedia gal
Obra completa, reseña
O autor recita un dos seus poemas
web adicada ao autor (moi interesante)
Pdf cunha entrevista ao autor
Rede de enlaces no portal galego de educación
Bibliografía habida e por haber
Enlace literario en castelán
Crítica literaria sobre o autorhttp://www.poesiagalega.org/arquivo/ficha/f/608/
Terra e tempo
Radiofusión
Poesiagalega.org
Sobre Conversa Ultramarina
Máis materiais

Achamos en falta na rede a reprodución escrita de poemas de Lois Pereiro. Queremos facer unha pequena contribución a esta carencia e tecleamos un poema emblemático en que se oferta unha visión panorámica do país por orde alfabética e dende un punto de vista moi persoal e simbólico: atención ao uso significativo das maiúsculas.

“ Que é Galicia?” (guión televisión)

( Emitido pola TVG o 25 de xullo do 1988)

Galicia...data

Run...

a. Auga. Ar.
A Amnesia do vencido, a Atracción do Abismo, a Árbore ao pé da Árbore, e a ledicia do espacio circundante.
O Atlántico é a Alma e o Acantilado o corpo da súa chamada Atroz.

b. Barroco: a Beleza cotiá feita materia en pedra á Beira do Bosque omnipresente

c. Calma.
Castelao, Curros, Cunqueiro, Cultura, Celebración e Culpa: unha Conciencia Céltica do Cosmos.

d. Difícil é definir esa Dor, Dobregar o Destino, e facer que o Desexo siga sendo útil.

(Diluvia)

e. Espiral no Espacio Esférico.
Emigración: o Estímulo do noso Exilio interior que nos leva polo Leste cara Europa, polo mar cara ó Éxito e a Enfermidade, e sempre o Eterno Estrañamento do Espírito.

f. Fogar. Fantasía. Fábricas, Febre, e as Formas do Futuro, Figuras do pasado. O Fenómeno atmosférico da Felicidade, e todas as Festas do mañán...

g. Gráficas do Granito, auga e silenzo, onde transborda a alma da Gulfstream. O xemido das Gaitas, e no carácter esa amable presencia da Graxa.

h. Historia: Herbicida o olvido.
A Humidade, o “Horror vacui”, e a Humildade impídenos converter a Historia en Heroísmo. A nosa Herdanza adestrada na fuxida, coa sabedoría das vellas feridas, vencidos soamente por nós mesmos.

i. Ironía: a arte de vonverter o Inferno nun conto de Inverno.

j. Son oriental. Rotundidade sureña.

k. Kilowatios por terra asulagada.

l. Loito: manchas na paisaxe, bólas negras sobre o tapete verde.

m. O Misterio da Música doa Mortos pero o Miño vai levando ese Misterio ao Mar.

n. Norte. Noite. Néboa.Negro: materia poética nacional.

ñ. Nh/ gn/ ñ.

o. Oeste: “Galicia atende e obedece a chamada do Oeste” (R. Otero Pedrayo). Tantos séculos de Ofensas e Olvido crean anticorpos no Organismo dun pobo, e esa continua Ofensa da historia vai xerar no Orgullo deste pobo apacible o destrutico Osíxeno do Odio, a Obsesión do fracaso e da culpa.

p. Poesía. Patria. Paixón.
Perigo de extinción, perdidos na nosa propia Pureza, da necesidade de ser un Pobo. A nosa indiferenza alimentará o Proceso de autoxenocidio que vivimos.
Paisaxes espalladas, enfiadas entre os Perfís do Pasado, coa Presenza dunha vexetal sensación de eternidade.
Paixóns e Poses “Punk”, refrexos Posmodernos e altas horas nos peiráns urbanos da noite.

q. Química da dor Quintaesencia do medo. Quen ri aí ao meu carón?

r. Río: o Rumor da vida, a Relixión das augas.
Os Risos xorden sempre onde Reina a calma, no fondo acougo de quen coñece o Risco e o domina.
Rural: corre sangue rural por estas veas; e se algunha vez a Razón opón Resistencia, o galego Recoñécese na terra, na lenta vitalidade da érbore, na invencible Resignación da herba.

s. O Son da Soidade e o Silenzo. O Salvaxe Sarcasmo dos Soños do presente, e a silente atracción polo Suicidio: O Sil. O Miño é o noso Sangue, e o Sil a súa Sombra.
Sereos e Sombríos, finalmente transcende o Sorriso astuto.

t. Terra.
E o Tempo, o Trastorno e as súas Tebras. A Tradición
dunha
Triste Tenrura.
A Terra é o principio, e todo existe nela e para ela.

u. Utopía: compaxinar o desexo e a necesidade nos nosos soños.

v. Vacas en Vales mollados, e a férrea Vontade dos Vellos encadeados á terra, co Vicio do seu fatalismo escéptico.
Verde. Verde, e máis Verde sobre outros Verdes, e por tras: Verde.

w. Wisky: noite urbana.
Galicia é Wagneriana, ou é máis ben un Wolfgang Amadeus enfermo de paisaxe, soñando con Sibelius?

x. 25 de xullo.

y. y

z. Fin

a camelia é un símbolo do noso idioma,
pois florece no corazón do inverno e resiste
mesmo nas circunstancias máis adversas

A NOSA CONTRIBUCIÓN AO DÍA DO LIBRO 2010

2010-05-03T10:08:00.008+02:00

O profesorado do IES Repúplica O. do Uruguai Tamén Le, aquí tedes o resultado das súas recomendacións, eles leron e disfrutaron da lectura e queren que vos sintades o mesmo. Dende a Biblioteca queremos agradecer, unha vez mais e non nos cansaremos de facelo, a súa activa participación neste proxecto.

Ademais seguindo o camiño marcado polas Bibliotecas Escolares galegas, o alumnado de 3º ESO A, co profesor Benxamín de Jorge achegounos as súas reflexión sobre Para que les?

CLUB DE LECTURA: UNHA REUNIÓN MOI ESPECIAL

2010-04-27T06:42:00.002+02:00

Hoxe ás 16:30 temos unha reunión do Club de Lectura moi especial, imos xuntarnos co alumnado de 6º do Colexio de Frián para falar do libro "Lúa de Senegal" de A. Fernández Paz.

Trátase dunha novela sobre a emigración e as dificultades de adaptación a un mundo estraño para Khoedi, a rapaza senegalesa que chega coa súa familia a Vigo.

Tamén estará con nós, Abib Seck, un rapaz do noso Instituto que viviu a mesma experiencia que Khoedi o ano pasado. Poderá falarnos de cómo se sentiu os primeiros días e resolvernos calquera dúbida que teñamos sobre a súa vida en Senegal

DÍA DO LIBRO 2010

2010-04-26T19:45:00.003+02:00

Un ano máis conmemoramos dende a Biblioteca do Instituto o Día Internacional do libro e os dereitos de autor, este ano facémolo dun xeito moi especial, as Bibliotecas escolares galegas facemos a mesma actividade: encher corredores, aulas e paredes dos Institutos coas reflexións de persoas coñecidas e anónimas sobre Para que les?. A única condición é responder en non mais de 140 caracteres.

A idea xurdiu da ONG galega Implicadas para o desenvolvemento, dende aí se nos propuxo implicar ao maior número de persoas para contestar a esa pregunta.

Ao mesmo tempo persoeiros das letras, do espectáculo e do deporte amosáronnos os seu libros preferidos e recomendaron aos rapaces que libros ler.Podemos dicir que Tamén len

Non podemos deixar de agradecer a Loly Lago da Biblioteca do IES de Fene e a Olga da Biblioteca do Ceip Milladoiro de Malpica o seu magnífico traballo recopilación e o definitivo impulso deste traballo.Tampouco podemos olvidar que os magníficos deseños dos carteis son obra desinteresada do extraordinario arquitecto, debuxante e ilustrador Jaime Eizaguirre Santillán

PARA QUE LES?

TAMÉN LEN

REUNIÓN DO CLUB DE LECTURA: VOAR COS LIBROS.

2010-02-25T07:00:00.002+01:00

Hoxe, ás 9:20 terá lugar a reunión do Club de Lectura sobre o libro Relatos de terror (Lovecraft).
Polo que vides comentando o libro gustouvos de forma aterradora.
Para facer boca aquí tedes uns vídeos homenaxe a Lovecraft e o seu mais famoso libro OS Mitos de Cthulhu.
O grupo de heavy metal inspirouse nese libro para compoñer o tema "The Call of Ktulu" , canción instrumental do álbum Ride the Lightning.
Para continuar con esta dose de medo e de terror, maña iremos ao cine para ver “ Home lobo” protagonizado por Benicio del Toro

CANCIÓNS PARA A PAZ

2010-01-29T09:11:00.000+01:00

Un ano mais as Bibliotecas galegas xúntanse para celebrar o Día da Paz.
Nada mellor que esta montaxe que fixo Loly Lago (O Segrel do Penedo) coas cancións que escoitamos nas nese día ao longo destes anos.
Gracias a todos e todas por compartir con nos este traballo.

DECÁLOGO PARA SER LINGÜSTICAMENTE SOSTIBLES

2010-01-22T10:01:00.000+01:00

Hoxe traémosvos un magnífico exemplo de traballo colaborativo e compartido.

As compañeiras Adelia Troncoso do IES Val do Tea (Ponteareas) e Mónica Muñoz do CEIP de Friáns( seguro que o noso alumnado de 1º da ESO saben de quen falamos) comparten con nós a traducción e montaxe deste "Decálogo para ser lingüísticamente sostibles" elaborado no ano 2008 polas Universidades Catalanas.

THE CONFERENCE "DISCOVERING CANADA" BY OUR BILINGUAL STUDENTS

2009-12-30T12:21:00.006+01:00

“ DISCOVERING CANADA” By KAREN HANSEN

The bilingüal section of “ ROU secondary school” attended a conference on the topic above mentioned, the fith of November 2009.

We learnt about some interesting information on the country.

The Canadian flag is red and white. The red parts of the flag symbolize the two oceans, and in the middle , in the white part of the flag there is a maple leaf, which represents the country on a background of snow.
The national sport is ice hockey and the Ottawa hockey club is very popular in the country.

The players use special helmets which are called “masks”.

The population in Canada is about 35 million people. Considering how big the country is, it is not a very big population.

The climate is very extreme, very long and cold winters with plenty of snow and very short and not very hot summers.

Not many people know that some of the most important inventions of this century were discovered by Canadians ; for example, the light bulb, the cell phone, the zippo, the road yellow lines etc....

Canada has two official languages. French and English. There is a very important inmigrant population from all over the world.

Canada welcomes foreigners......

¡ VISIT CANADA!

discovering Canada

IN MEMORIAM ALEJANDRA SOTO ALJÁN

2009-12-04T11:45:00.003+01:00

Hoxe estamos de loito, onte soubemos da morte da alumna ALEJANDRA SOTO ALJÁN.

As estrañas circunstancias da súa desaparición e as especulacións que intentan explicar a súa morte, non nos deben importar. O tráxico é que ela xa non está na súa casa, no seu pupitre, na súa aula, á nosa beira, no noso Centro.

Dende aquí queremos enviarlle un bico forte de recordo porque era moi próxima aos compañeiros e moi querida por todos.

Alejandra chegou ao Instituto hai dous anos e esa rapaza calada e traballadora integrouse rapidamente na vida do Centro, conquistou o corazón dos compañeiros e a consideración do profesorado por ser unha rapaza estudosa, educada e respectuosa.

Sempre haberá en nós a alegría de terte coñecido e a tristura de terte perdido.

A comunidade educativa do IES República O. do Uruguai

DISCOVERING CANADA

2009-10-28T17:51:00.003+01:00

Maña ás 11:20 a profesora candiense Karen Hanes virá a Biblioteca para falar co alumnado da sección bilingüe sobre o seu país.

Dende o Equipo de Dinamización da Biblioteca esperamos as vosas reseñas e comentarios.

Estamos seguros de que disfrutaredes da súa conferencia. Non olvidedes preguntarlle todo o que vos interesa sobre Canadá.

CARALLO CO ROU: O BLOG LITERARIO DE 4º DE ESO

2009-10-20T14:24:00.003+02:00

Atención! Preparemos as mentes e os corazóns, o batallón literario de 4º da ESO comandados pola profesora Rosa Martínez hannos ferir coa súa escritura. Con eles e elas teremos experiencias, ledicias e tristuras.

Van utilizar a rede para poñer no noso coñecemento as súas creación. Teñen un blog: CARALLOCOROU no que irán colgando todas as súas obras. Están ansiosos de que deixedes os vosos comentarios, xa sabedes os blogs aliméntanse dos vosos comentarios

BENVIDOS E BENVIDAS AO NOVO CURSO

2009-09-24T09:29:00.009+02:00

Dende a Biblioteca queremos desexarvos a todos e todas un bo comezo de curso. Aínda estamos a artellar o funcionamento da mesma, este ano hai variacións e non estará aberta en todo o horario lectivo. De todos xeitos tedes aberta a Biblioteca en todos os recreos, tamén está aberta as tardes do martes e do xoves, dende as 16:30 ata 18:10.
Seguimos preparando actividades e pensando algunha innovación.
Nos recreos as encargadas da Biblioteca estarán de garda para axudarvos a buscar libros, escoller unha lectura ou consultar calquera dúbida.
Queremos que as cidades, a literatura e o cine estean moi presentes neste curso.

"O COÑECEMENTO SEMPRE SUMA"

2009-05-10T14:03:00.009+02:00

Belén regueira, presentadora na TVG do País dos ananos e na Radio Galega de Extraradio, recibeu fai uns días o premio Mestre Mateo á Mellor comunicadora.

O seu discurso ven moi a conto nestes momentos, por si tedes algunha dúbida, escoitadea. Ela sí que sabe e soubo escoller.

O PROFESORADO LEMOS E DISFRUTAMOS

2009-04-23T06:23:00.008+02:00

Pasamos o ano falando de libros e recomendándollos aos rapaces, bos ou malos lectores, pero rapaces ao fin e o cabo. Intentamos acercarnos a eles e contaxiarlles o noso interese pero chega un momento no que o que queremos é compartir con iguais o pracer da lectura. Esas reflexións sobre a idade, a soidade e os problemas que só poden comprender aos que coma ti xa levan as costas anos e experiencias.

Fartos xa de adolescentes contra o mundo, princesas ocultas na guarida dun dragón, misteriosos personaxes que axudan cando o necesitamos, grandes amores incomprendidos, rapaces e rapazas na escola ou de marcha, piratas con bos sentimentos, illas perdidas, .... ¡Queremos compartir as lecturas entre nós!
Para conmemorar o Día do Libro, non só, hoxe 23 de abril, senón todo o ano, o Equipo de Dinamización da Biblioteca proponvos aos profesores e ao persoal non docente que traiades algún libro que vos gustara. Así compartiremos ese pracer persoal, ese vicio, que de algún xeito lle mostrará aos demáis o que vivimos e sentimos.

Depositade na cesta que está na Biblioteca os vosos libros:
1.- Deben ter nome no interior para saber de quen son.
2.- Cando collades un libro, cubride a folla cos vosos datos así sempre saberemos quen está a ler o mesmo libro que nos lemos.
3.- Ao rematar devolvede o libro a cesta e riscádevos da lista.

A HORA DO PLANETA

2009-03-23T17:23:00.011+01:00

A hora do Planeta é unha iniciativa promovida por WWF(World Wide Found for Nature ) que consiste en apagar as luces dende as 20:30 (hora local) ata as 21:30, amosando así a nosa preocupación polo cambio climático.
Trátase de chamar a atención dos líderes de 192 países que se reunirán na Conferencia da ONU sobre o cambio climático. O obxectivo é lograr un acordo acerca da continuidade do protocolo de Kioto

A hora do Planeta non remata ás 21:30. A modificación de pequenos hábitos diminúe a presión que exercemos sobre a capa de ozono, relentizando o quecemento global, por exemplo: apagar as luces, controlar a auga que usamos ao ducharnos, utilizar bombillas de baixo consumo, reciclar o lixo...

Moitas cidades españolas únense a esta iniciativa, “apagándose” edificios tan emblemáticos como o Museo Guggenheim en Bilbao, a Sagrada Familia e a Torre Agbar en Barcelona, a Porta de Alcalá, a Cibeles e o Palacio de Correos e Telecomunicacións (Sede do Concello) en Madrid, o Acueducto e a Catedral en Segovia, o Concello e o Palau da Música en Valencia e a Mezquita de Córdoba. Á iniciativa sumáronse, ademáis, empresas españolas como Coca-Cola, Telefónica, Inditex, o BBVA, o grupo Prisa . A cidade de Vigo tamén terá o seu apagón: a Praza dos cabalos, o antigo edificio da Universidade Popular, o edificio do antigo rectorado... non prenderán as súas luces nesa hora

O ESPACIO EUROPEO DE EDUCACIÓN SUPERIOR

2009-03-23T16:37:00.012+01:00

O día 18 de marzo, o profesor D. Manuel Justo Gil explicoulle ao alumnado de Bacharelato cales eran as características do novo espacio europeo de educación superior, que se vai derivar do coñecido " Plan Bolonia". Faloulles, ademáis, da estructura da nova selectividade que afectará aos alumnos que aproben 2º de BAC no curso 2009-2010.

Ante o interese mostrado por este tema o profesor D.Manuel Justo deixa a vosa disposición a presentación que fixo ese día.

EL espacio europeo de educación superior por M. Justo Gil

IN MEMORIAN: AURORA GONZÁLEZ CABALLERO

2009-03-16T14:01:00.002+01:00

Onte morreu a nosa compañeira Aurora. Estivo connosco só dous anos pero nese tempo poidemos falar sobre a educación e a vida, sobre o que tiñamos que transmitirlle aos nosos alumnos.
Ela, que levaba moitas vivencias as súas costas, sabía da importancia de marchar do pequeno mundo onde se desenvolvía a vida dos rapaces e rapazas do noso Instituto. Insistía en que aprendesen idiomas, que aproveitasen todas as oportunidades para coñecer outros sitios, outros países, outras persoas. Desexaba que fosen competentes nas línguas, abriríalles moitas portas.

Viaxeira incansable. Estivo en moitos países, neles aprendeu a respetar as ideas e creenzas de todos e tamén a defender as súas. Viviu anos en Casablanca como profesora de matemáticas do IES Juan Ramón Jiménez.

O ano pasado voltou a Vigo, xunto a súa familia e as grandes amizades de xuventude pero o destino impediulle continuar cos seus plans.

Botarémola en falta, Aurora sempre estará no noso recordo.

8 DE MARZO. DÍA INTERNACIONAL DA MULLER TRABALLADORA

2009-03-06T11:59:00.007+01:00

Como supoño que todos e todas sabedes o día 8 de Marzo celébrase o Día Internacional da Muller, antes denominado Día da Muller Traballadora, xa que a conmemoración deste día xurdiu como una proposta de mulleres socialista na defensa dos seus dereitos como traballadoras ao principio do século XIX en EE UU e en Europa.

Coñecer a historia das primeiras mulleres que seguiron adiante cos seus sonos, a pesares moitas veces da oposición da sociedade, axudaranos a defender a igualdade de xénero en todas as facetas da vida.

Para saber mais da Historia das Mulleres en Galicia, na biblioteca do CEIP. Milladoiro de Malpica elaboraron una WebQuest sobre este tema e coñecendo xenerosidade da encargada da mesma poñémola a vosa disposición para que traballedes.

Os vosos titores, Jose Luis e Enma vanvos axudar nesta tarefa.

Todos os/as alumnos/as de 1º da ESO que remate ben a ficha de datos e a entreguen na Biblioteca antes do 18 de marzo recibirán un agasallo

Para acceder a Webquest, preme no debuxo

A PRIVACIDADE NA REDE

2009-03-06T10:28:00.009+01:00

Os que utilizades con frecuencia os ordenadores da Biblioteca seguro que xa nos tedes escoitado algún "discursiño" sobre os perigos na Rede, sobre que debedes ser conscientes de que todo o que colguedes en páxinas de Internet é público.

A través do Mesturas, blog da Biblioteca do IES Sánchez Cantón chéganos unha iniciativa da Axencia Vasca de Protección de Datos onde se mostran as malas prácticas e os abusos na difusión da imaxe na Rede.
Este é un exemplo do que podedes ler na páxina da que vos estamos a falar.

"Se tes un segredo que contarlle a un amigo, seguro que non o fas poñendo un anuncio no taboleiro que hai no bar ao que vas cos teus colegas..."

DON RAMONCIÑO E A MICAELA

2009-02-28T17:37:00.005+01:00

Dez rapaces e rapazas de 1º ESO B celebraron o Entroido representando na Biblioteca o 2º lance da obra de teatro Os vellos non deben namorarse. Baixo a dirección da coordinadora do EDNL, Antía García Hermoso, fixeron rir aos seus compañeiros do primeiro ciclo da ESO coa súa magnífica actuación.
Esperamos que continuedes na senda do teatro e que poidamos disfrutar outra vez da vosa actuación.

Aqui podedes ver algunha fotografía da obra de teatro.

CRÓNICA DA VISITA DE ANXO FARIÑA

2009-02-19T18:55:00.006+01:00

Os rapaces e rapazas que estiveron con Anxo Fariña non querían que este encontro rematase, disfrutaron, aprenderon e maravillaronse. Auí tedes a súa crónica, sinxela e sinceira. Gracias por todo, ANXO

Visita Anxo Fariña

Publish at Calaméo or browse others.

OS MEGATOXOS NA AULA DE PLÁSTICA

2009-02-17T23:11:00.014+01:00

Maña ven Anxo Fariña a Biblioteca para ter un encontro cos rapaces e rapazas de 1º da ESO, tamén estará o alumnado de 4º ESO B e o de 4º ESO D
A profesora de Plástica, Liliana Lorenzetti, encomendoulle a os de 1º de ESO a realización dunha máscaras de Ruxe, Lúa, Faísca e Ninfa, os Megatoxos. A verdade é que quedaron impresionantes, xa veredes como locen na Biblioteca.
Aquí tedes unhas imaxes do proceso de creación, sei que lle van facer a competencia a Anxo fariña co seu traballo.

A EVOLUCIÓN EN IMAXES

2009-02-17T16:32:00.003+01:00

Presentámosvos varios vídeos que están na Rede e que describen de forma condensada o proceso de evolución dende os primeiros seres vivos ata o home

Se sodes "fans" dos Simpson, aquí tedes este video con Homer de protagonista evolucionando dende o rpincipio ata o seu estado actual.

O PASAPALABRA EVOLUCIONISTA

2009-02-12T07:17:00.006+01:00

No IES As Mariñas (Betanzos) deseñaron un pasapalabras con datos sobre a evolución, co seu permiso imos utilizalo nos tamén:
Para participar no xogo só tedes que escribir na folla de respostas a palabra que corresponda, o prazo remata o día 28 de Febreiro

Entre os acertantes sortearemos un agasallo!!!!!

O DÍA DE DARWIN

2009-02-11T17:08:00.019+01:00

O 12 de Febrero de 1809(hai 200anos) naceu Darwin, autor do libro A orixe das especies(publicado por primeira vez hai 150 anos). Nel inicianse as bases da teoría de evolución, que supora un cambio fundamental na forma de interpretar o cambio xenético na transformación dunha especies noutras.

Dende a Biblioteca queremos sumarnos a conmemoración deste día aportandovos información na rede sobre distintos aspectos deste científico e as súas teorías.

Breve biografía sobre Darwin: Aquí podedes saber algo mais sobre a vida deste home.
As maletas del coñecemento: Un recurso onde podemos realizar xogos sobre a Biloxía e Xeoloxía, tomando como referencia a viaxe do Beagle.
O diario do Beagle: Neste enlace podedes atopar fragmentos do diario que escribiu Darwin sobre a súa viaxe no Beagle.

Charles Darwin: Un sinxelo resumo da teoria da evolución desenvolvida por Darwin.

REUNIÓN DO CLUB DE LECTURA DE 1º E 2º DE ESO

2009-02-05T19:27:00.024+01:00

Hai uns días xuntámonos na Biblioteca os membros do Club de lectura do primeiro ciclo da ESO para falar da colección de realtos curtos Amor dos 15 anos, Marylin. Alí estaban: Carolina, Antia, Noelia, Issac, deivid, Lara, Raquel,Silvia, Teresa, Romina, Alba e Marlene
Falamos de moitos temas e non sempre as nosas opinións eran iguais. Carolina e mais Antia, a profesora coordenadora do club, pensaban que as películas clásicas eran fenomenais, Issac e Daivid inclinábanse polas películas de medoe se había un pouco de angue mellor que mellor. Ond houbo acordo foi en cal era o mellor relato de todos "Malos tempos para as pantasmas". Certo que non todos estivemos de acordo: Silvia pensaba que estaba moito mellor "Un templo para gatos", de feito propuña unha solución ao problema de ter tantos gatos nunha casa, mercar un can. A verdade é que non sabemos porque non se lle ocurriu esta inxeniosa idea a A. Fernández Paz.

Os rapaces non crian que poderían aparecer eses anuncios nos periódicos.

Como actividade complementaría á lectura deste libro imos visionar algunha das películas que aparecen no libro. Vai ser unha divertida sesión de cine, non olvidedes traer doces para compartir. Por favor, decídenos nos comentarios cal desas películas vos apetece ver.

Aquí tedes algunha pequena mostra.

CONSPIRACIÓN POLA PAZ

2009-01-29T00:02:00.074+01:00

PAZ?????????????
PAZ: PAM!. Balas. Confusión, asasinatos, bombas.
PAZ: PAF!. Golpes. Cambadelas da vida cotiá. Rancor. Violencia.
PAZ: PAZZZZZZZZZZZZZZZZZZZZZZZZZZZZZ. Soño. Sono indiferente da irresponsabilidade.
Non é un xogo. É a fraxilidade da palabra. Espello fiel da inestabilidade do seu significado.
Utopía imposíbel.
Palabra que xera poesía.
Poesía? Poesía e Paz.

Esta é a nosa proposta: un mundo reinado pola esperanza das palabras, palabras sublimes que permiten melodías, risos, soños... PAZ.

Xesto simbólico o das Bibliotecas Escolares, que novamente unen voces, azos e esperanzas. A través do mosaico que supón, por fin na nosa comunidade, a integración de diferentes cores, razas, linguas... chega a poesía capaz de expresar unha mesma arela. O frenesí da humanidade dominado pola forza da palabra. Unidos contra a ignominia da morte inxusta, das violacións das mulleres, da violencia extrema, da existencia dos nenos-soldado, da vinganza. Optamos polo silencio das palabras, da súa mudez. Porque a súa música festexe os días de coñecemento. Porque os aloumiños que desprenden estas balas sexan quen de recargar o porvir. Porque o nosos pentagramas debuxen as fusas non confusas da ilusión, do mañá cargado de bombas de papel. Papeis que falan de sorrisos, de amores, de xustizas. Papeis convertidos en poesía.

Hoxe, o noso alumnado, dende esas diferenzas que os converten en iguais, transfórmanse en trasnos portadores de equidade. Dende o pasado poético ao presente sonoro, ao futuro harmonioso.

Tanques de algodón
Armas de caramelo
O noso soño
O noso desexo
A nosa conspiración.

Os "disparos" do IES República O. do Uruguai.

Sara e Chaima El Azzouzi len un poema do autor palestino Mamoud Darwish

Abib, o noso alumno recén chegado de Senegal le un poema de amor en Wolof
Alba Chabaud Blanco le textos realizados polos alumnos nun Centro de Secundaria en Francia. Se queredes ver a presentación xunto coa traducción pinchade aqui

Vanesa Estévez Lobaiñas le un texto da escritora alemana Anne Kronenberg. Se queredes ver a presentación xunto coa traducción pinchade aqui.

David Román Álvarez le un poema do autor grego Yannis Ritsos. Se queredes ver a presentación xunto coa traducción pinchade aquí

Cathereline Rodrígues de Oliveira e Nayla Moreno Navarro-Ferreira len o poema Ronda do soldadinho do autor portugues José Mário Branco

Tede un pouco de paciencia as presentacións tardan un pouco cargar

Para visitar todas as conspiracións

Blog da biblioteca do IES Alexandre Bóveda. Vigo.
O Segrel do Penedo. IES de Fene. Fene. A Coruña.
Mesturas. IES Sánchez Cantón. Pontevedra.
Bibliobelesar. CEIP de Belesar. Belesar. Pontevedra.
Biblioandrade CEIP de Andrade. Pontedeume. A Coruña.
Bemilladoiro. Biblioteca do Ceip. Milladoiro. Malpica. A Coruña .
Biblioteca Olhos Grandes IES Nosa Señora dos Ollos Grandes . Lugo
Biblioteca do CEIP de Pazos. CEIP de Pazos. Ferrol. A Coruña.
Biblioteca do cole. CEIP Quintela de Moaña. Pontevedra
Cadernos de Vide. Escola Unitaria de Vide. As Neves. Pontevedra.
Biblioteca Brea Segade. C.E.P. Xose Mª Brea Segade. Taragoña. Rianxo.
Biblioteca IES de Sanxenxo. Sanxenxo. Pontevedra.
Biblioteca IES R. O. do Uruguai. IES República O. do Uruguai. Vigo.
Biblioblogreboreda. Ceip Santo Paio de Abaixo, Reboreda. Pontevedra.
Biblioteca Colexio de Cervo. CEIP de Cervo. Lugo.
Bibliochispi. CEIP A Laxe-Marin. Pontevedra.
Participa tamén neste proxecto o blog Trafegando Ronseis

MÁIS VIDEOS SOBRE A PAZ

2009-01-23T10:45:00.013+01:00

Where Is The Love? -

EDUARDO BLANCO AMOR. OBRA GRÁFICA

2009-01-20T17:08:00.010+01:00

EDUARDO BLANCO AMOR. A OLLADA DO DESEXO. Obra gráfica 1933-1973
Data
Do 13 de xaneiro ao 15 de marzo de 2009
Horario:De 10:00 a 19:00
Prezo:Entrada gratuita

De Eduardo Blanco Amor coñecemos ben a súa obra literaria pero descoñecemos a súa actividad como fotográfo.Aquí temos un bo exemplo.
Esta mostra fotográfica, de intención estética e documental, inclúe retratos (de amigos, de escritores contemporáneos, de si mesmo) e tamén instantáneas das moitas viaxes que encheron a súa vida: paisaxes e xente anónima de Marrocos, Chile, París, Nápoles ou a mesma Galicia.

PAZ A TRAVÉS DA MÚSICA

2009-01-19T13:51:00.010+01:00

O alumno Aarón Gracia, de 2º BAC C, fainos chegar este vídeo onde músicos da rúa de todas partes do mundo cantan a mesma canción, unha versión da coñecida canción "Stand by me", de Ben E. King.

Detrás deste vídeo esta o proxecto Playing for the Change, unha organización que trata de mellorar as condicións dos músicos da rúa, ademais de construír Escolas de Música en paises en vías de desenvolvemento.

O BLOG DAS CIENCIAS DO MUNDO CONTEMPORÁNEO

2009-01-17T09:28:00.006+01:00

A compañeira de Física e Química Olga Ferro, profesora da asignatura de CCMC está a elaborar un blog sobre esta asignatura, nel colaboran os alumnos e alumnas de 1º de BAC B e C. Seguro que nos han falar de temas moi interesantes.

Resulta moi estimulante ver que estamos a traballar en novos proxectos.

O seu enlace é: http://ies.republicadeuruguai.ccmc.climantica.org/

CURTAS

2009-01-15T19:49:00.021+01:00

Os nosos compañeiros do PLAMBE, (O recanto de MIK) pasáronnos estas curtas baseadas en relatos de escritores galegos (Cunqueiro, Castelao....) que nos pareceron moi divertidas.

Alistán, o demo oveiro, A xaguarana , Good nignt mon ami , A escola das areas ,

Meigallos, sombras e papas de arroz , Os defuntos falaban , Ignotus

LECTURAS DE GALEGO NO 2º TRIMESTRE

2009-01-15T18:35:00.002+01:00

SCRIPTORIUM VERBUMIENSE:"A PALABRA CONVERTIDA EN ARTE"

2009-01-14T17:08:00.008+01:00

Esta exposición invítanos a coñecer como eran os libros antes da invención da imprenta.

Dende o S. IX, algunhas abadías e mosteiros posúen un Scriptorium, lugar onde copiaban ou creaban, decoraban e encadernaban os libros ou códices. Calígrafos, iluminadores, miniaturistas e encadernadores... en definitiva monxes copistas convertidos en artistas e os seus traballos en verdadeiras obras de arte. A difusión da imprenta a partir do S. XVI despraza á obra manuscrita, pero dalgunha maneira tamén a revaloriza, pois os libros impresos non poderían competir en detalle nin acabado coa paciente dedicación que recibían os códices no “Scriptorium”.

Lugar: Verbum. Casa das Palabras. Avd. Samil, 17. Vigo

Data da exposición:Do 18 de novembro de 2008 a xuño de 2009

Horario De 10:00 a 19:00

Entrada gratuita

http://www.verbum.vigo.org/

VOAR COS LIBROS: CLUB DE LECTURA

2009-01-13T16:57:00.011+01:00

O alumnado de Socioloxía incorpórase á iniciativa dos clubs de lectura cunha interesante obra. Pensamos que a elección é moi acertada porque trátase dun ensaio, posiblemente o gran olvidado da lectura no Instituto.

Libro proposto: Homo Videns. La sociedad teledirigida

Autor: SARTORI, G.

Profesor encargado: Xoan Currais, profesor de Filosofía e Socioloxía

VOAR COS LIBROS: CLUB DE LECTURA

2009-01-09T20:25:00.004+01:00

Noraboa a todo o profesorado que coordina os distintos clubs de lectura do IES República O. do Uruguai. O voso traballo por fomentar hábitos lectores e contribuír á creación dun clima favorable á lectura ven de ser recoñecido pola Consellería de Educación e O.U. cunha subvención para mercar os libros que se están a ler e para a realización das actividades dos propios clubs.

GUIA DE LECTURA NADAL 2008

2008-12-18T21:39:00.018+01:00

Dende a Biblioteca do IES República O. do Uruguai desexámosvos que pasedes un feliz Nadal con estes libros e moitos mais.

Que nunca vos falte un soño polo que loitar, un proxecto que realizar, algo que aprender e un libro que ler.

Se queredes ver polo miúdo os libros que vos recomendamos
pincha aqui. Vinde a Biblioteca están esperando por vos.

Música: Nadal de Luintra-BERROGÜETO

VOAR COS LIBROS: CLUB DE LECTURA

2008-12-18T07:06:00.011+01:00

Rematada a última reunión dos diferentes club de lectura, estaban o alumnado de 4º de ESO e o de BAC para escoller a lectura que faremos no 2º trimestre do curso.

Onte eramos tantos que decidimos dividirnos en dous grupos:

4º ESO:
Libro proposto: Sabor a chocolate
Autor: Carmona, José Carlos
Coordinadora: Mª José Lesquereux, profesora de Historia

1º e 2º de BAC
Libro proposto: Los girasoles ciegos
Autor: Méndez, Alberto
Coordinadora: Concha Fernández, profesora de Grego

A volta de vacación volveremos vernos.

Bo Nadal e boas lecturas.

VOAR COS LIBROS: CLUB DE LECTURA

2008-12-13T23:51:00.004+01:00

Benvidos e benvidas ao Club de Lectura de 1º e 2º de ESO. O venres eramos xa 15 na reunión.
O libro que escollemos para ler é:
Amor dos 15 anos, Marylin
Autor:Fernández Paz, Agustín.
O martes chegarán os libro, pedídeos na Biblioteca ou a Antía e Adela. Non temos exemplares para todos, tedes que ver de organizarvos para lelo. Desexamos que vos guste!

Alumnado de 4º de ESO e BAC temos a reunión para escoller o libro o mércores, 17 de decembro, no 2º recreo na Biblioteca

60 º ANIVERSARIO DA DECLARACIÓN UNIVERSAL DOS DEREITOS HUMANOS

2008-12-10T06:28:00.005+01:00

O 10 de decembro de 1948, a Asamblea Xeral das Nacións Unidas aprobou e proclamou a Declaración Universal de Dereitos Humanos

Este ano celébrase esta aprobación baixo o lema “Dignidade e xustiza para todos”
Esta Declaración baséase en que todo ser humano nace con dereitos e liberdades fundamentais iguais para todos e inalienables e expresa a fe dos pobos do mundo nos dereitos humanos fundamentais e no valor e dignidade humana.

Dende a Biblioteca do IES República O. do Uruguai queremos celebrar este aniversario realizando actividades onde coñezamos como está a situación dos DD HH no mundo

ESTES DEREITOS PERTÉNCENCHE. SON OS TEUS DEREITOS. APRENDE A COÑECELOS
CONTRIBÚE A FOMENTALOS E A DEFENDELOS, NON SÓ PARA TI SENÓN TAMÉN PARA OS DEMAIS.

Este vídeo foi creado por Seth Brau para a ONG Human Rights Action Cente

FORMACIÓN DE USUARIOS: O XOGO DA ESFINXE

2008-12-07T19:02:00.003+01:00

Nestes días todo o alumnado está a pasar pola Biblioteca para realizar unha sinxela actividade coa finalidade de coñecer un pouco mais dela e saber onde están os libros, como se fai o préstamo,como podedes usar os ordenadores…. Despois de ver unha pequena presentación sobre a nosa Biblioteca e a as características da CDU, o alumnado que está na Biblioteca nese momento divídese en grupos de tres compoñentes é debe buscar unha serie de libros seguindo as pistas que vos da a Esfinxe

VOAR COS LIBROS: CLUB DE LECTURA

2008-12-07T10:26:00.006+01:00

Xa foron convocadas algunhas das reunión iniciais dos club de lectura por nivel e outras están a pique de convocarse. Se non estades apuntados aínda tedes tempo, as reunións que faremos han ser moi interesantes
3º ESO.-
Libro proposto: Leonardo Da Vinci el inventor. Autor: Jon Bilbao.
Coordinadora: Margarita Pérez, profesora de Bioloxía
A semana que ven chegarán os libros, estade pendentes, xa nos reuniremos a volta do Nadal.
1º e 2º ESO.-
Coordinadora: Antía García Hermoso, profesora de L. galega
Reunión o día 12 de Decembro, no segundo recreo na Biblioteca, nesta reunión falaremos do libro que escollemos
4º ESO e BACHARELATO.-
Tede paciencia, quédanos por organizar un par de cousas e xa vos convocaremos, dende logo antes do 19 de Decembro para que levedes o libro para ler no Nadal

Hoxe presentome no Instituto.

2008-10-17T13:59:00.000+02:00

Ola, son nova aquí e aínda non vos coñezo ben. Algúns só estades comigo un ratiño e as veces non tedes coidado e outros non sabedes nin quen son.

Temos todo o curso para coñecernos ben. Empecemos por saber que vos podo ofrecer y que cousas podedes facer.

Guia de usuario